असार १७, काठमाडौँ | मनसुन नेपाल भित्रिएको १२ दिनमा देशभर पूर्ण रूपमा सक्रिय भएको छ। मनसुनी वायुको प्रभावले आज बुधबार बिहानैदेखि काठमाडौँ उपत्यकासहित बागमती र गण्डकी प्रदेशका विभिन्न स्थानमा वर्षा भइरहेको छ। जल तथा मौसम विज्ञान विभाग, मौसम पूर्वानुमान महाशाखाका अनुसार पछिल्लो एक घण्टाको अवधिमा धादिङको गजुरीमा १९.६ मिलिमिटर, लमजुङको भुजुङमा १६ मिलिमिटर र भोर्लेटारमा १४.४ मिलिमिटर वर्षा मापन गरिएको छ।
विगत २४ घण्टामा कोशीदेखि सुदूरपश्चिम प्रदेशसम्म नै हल्कादेखि मध्यम र केही स्थानमा अति भारी वर्षा भएको छ। महाशाखाको विवरण अनुसार बर्दियाको मानपुरमा १३६.६ मिलिमिटर, तारातालमा १२८.८ मिलिमिटर, कैलालीको बलियामा १२१ मिलिमिटर, बाँकेको बेलभरमा १०४.८ मिलिमिटर र कास्कीको यांगिकोटमा ८०.६ मिलिमिटर वर्षा रेकर्ड भएको छ।
आज दिनभर र राति देशभर पूर्णतया बदली रहने महाशाखाको पूर्वानुमान छ। महाशाखाले जारी गरेको बुलेटिनमा हिमाली र पहाडी भू-भागका धेरै स्थानमा तथा तराईका केही स्थानमा मेघगर्जन र चट्याङसहित मध्यम वर्षाको सम्भावना रहेको जनाइएको छ। विशेष गरी कोशी, बागमती, गण्डकी, लुम्बिनी र कर्णाली प्रदेशका पहाडी भू-भागका एक-दुई स्थानमा भारी वर्षाको समेत सम्भावना रहेको छ।
रातिको समयमा पनि कोशी, बागमती र लुम्बिनी प्रदेशका पहाडी भू-भागका केही स्थानमा भारी वर्षाको सम्भावना कायमै छ। मनसुन सक्रिय भएसँगै पहाडी क्षेत्रमा पहिरो, गेग्रान बहाव तथा नदीनालामा जलसतह बढ्न सक्ने भन्दै महाशाखाले सावधानी अपनाउन र पूर्वतयारीमा रहन आम नागरिकलाई आग्रह गरेको छ।
असार १७, काठमाडौँ | मनसुन नेपाल भित्रिएको १२ दिनमा देशभर पूर्ण रूपमा सक्रिय भएको छ। मनसुनी वायुको प्रभावले आज बुधबार बिहानैदेखि काठमाडौँ उपत्यकासहित बागमती र गण्डकी प्रदेशका विभिन्न स्थानमा वर्षा भइरहेको छ। जल तथा मौसम विज्ञान विभाग, मौसम पूर्वानुमान महाशाखाका अनुसार पछिल्लो एक घण्टाको अवधिमा धादिङको गजुरीमा १९.६ मिलिमिटर, लमजुङको भुजुङमा १६ मिलिमिटर र भोर्लेटारमा १४.४ मिलिमिटर वर्षा मापन गरिएको छ।
विगत २४ घण्टामा कोशीदेखि सुदूरपश्चिम प्रदेशसम्म नै हल्कादेखि मध्यम र केही स्थानमा अति भारी वर्षा भएको छ। महाशाखाको विवरण अनुसार बर्दियाको मानपुरमा १३६.६ मिलिमिटर, तारातालमा १२८.८ मिलिमिटर, कैलालीको बलियामा १२१ मिलिमिटर, बाँकेको बेलभरमा १०४.८ मिलिमिटर र कास्कीको यांगिकोटमा ८०.६ मिलिमिटर वर्षा रेकर्ड भएको छ।
आज दिनभर र राति देशभर पूर्णतया बदली रहने महाशाखाको पूर्वानुमान छ। महाशाखाले जारी गरेको बुलेटिनमा हिमाली र पहाडी भू-भागका धेरै स्थानमा तथा तराईका केही स्थानमा मेघगर्जन र चट्याङसहित मध्यम वर्षाको सम्भावना रहेको जनाइएको छ। विशेष गरी कोशी, बागमती, गण्डकी, लुम्बिनी र कर्णाली प्रदेशका पहाडी भू-भागका एक-दुई स्थानमा भारी वर्षाको समेत सम्भावना रहेको छ।
रातिको समयमा पनि कोशी, बागमती र लुम्बिनी प्रदेशका पहाडी भू-भागका केही स्थानमा भारी वर्षाको सम्भावना कायमै छ। मनसुन सक्रिय भएसँगै पहाडी क्षेत्रमा पहिरो, गेग्रान बहाव तथा नदीनालामा जलसतह बढ्न सक्ने भन्दै महाशाखाले सावधानी अपनाउन र पूर्वतयारीमा रहन आम नागरिकलाई आग्रह गरेको छ।