आजदेखि कामठमाडौँमा गैरआवासीय नेपाली संघको ९ औ विश्व सम्मेलन हुँदैछ । संघले सोमबार राजधानीमा पत्रकार सम्मेलन गरी ९ औ विश्व सम्मेलनको बारेमा जानकारी गराएको थियो ।
‘म, मेरो एनआरएनए र मेरो नेपाल’ भन्ने मूल नारा लिएर हुन लागेको सम्मेलनको उद्घाटन राष्ट्रपति विद्यादेवी भण्डारीबाट हुने जनाइएको छ । ८१ मुलुकका गैरआवासीय नेपाली प्रतिनिधिहरु, स्वदेशी विदेशी सहभागीसहित २ हजार ५ सयको सहभागीहरुले संघको नयाँ नेतृत्व चयन गर्दैछन ।
एनआरएनएमा अध्यक्षसहित कुल १२ पदहरूमा ४२ जना निर्वा्चित गर्नुपर्ने विधानमा उल्लेख गरिएको छ ।

उपाध्यक्षमा एक महिलासहित ५ जना, १ महासचिव, २ सचिव , कोषाध्यक्ष १, सहकोषाध्यक्ष १, महिला संयोजक १ र युवा संयोजकमा १ चयन हुनेछन् ।

त्यस्तै क्षेत्रीय समितिबाट युरोप, एसिया प्रशान्त, अफ्रिका, मध्यपूर्व, उत्तर–दक्षिण अमेरिका र ओसेनियाबाट १/ १ जना गरी ६ जना क्षेत्रीय संयोजकहरु छानिनेछन् ।

क्षेत्रीय उपसंयोजकअन्तर्गत युरोप क्षेत्रबाट ३ जना, एसिया प्रशान्त २ जना , अफ्रिका २ , मध्यपूर्वबाट २ जना, उत्तर–दक्षिण अमेरिका १ जना र ओसेनियाबाट १ जना क्षेत्रीय उपसंयोजक चयन हुनेछन् ।

क्षेत्रीय युवा संयोजकअन्तर्गत प्रत्येक क्षेत्रबाट १/१ जना हुनेछन् भने महिला संयोजक पनि प्रत्येक क्षेत्रबाट १/१ जना हुनेछन् ।