एक छात्रालाई जीवितै जलाएको अभियोगमा बङ्गलादेशमा दोषी ठहर गर्दै १६ जनालाई अदालतले मृत्युदण्डको सजाय सुनाएको छ ।

शिक्षकले यौन दुर्व्यहार गरेको आरोप लगाएकी १९ वर्षीया नुसरत जहाँ आगो लगाई रफीको हत्या भएको थियो ।

नुसरतले यौन दुर्व्यवहार गरेको आरोप लगाएका प्रधानाध्यापकबाहेक उनका दुई सहपाठी छात्रा पनि हत्यामा संलग्न भएको अदालतले ठहर गरेको छ ।

सिरज उद दउलाले आफूलाई बारम्बार अनुचित तरिकाले छोएको भन्दै नुसरतले आफ्ना प्रधानाध्यापक विरुद्ध प्रहरीमा उजुरी दिएकी थिइन् ।

घटनाबारे दिएको जानकारी उनका भाइले मोबाइल फोनमा रेकर्ड गरेका थिए । उनले भनेकी थिइन, “शिक्षकले मलाई छोएका थिए। म त्यो अपराधविरुद्ध सास रहुन्जेलसम्म लडिरहन्छु।“

अप्रिल ६ मा उनलाई विद्यालयको छतमा बोलाई उजुरी फिर्ता लिन दबाव दिइएको थियो । सो गर्न अस्वीकार गरेपछि उनलाई जीवितै आगो लगाइएको थियो । उनले आत्महत्या गरेको जस्तो देखाउने प्रयास पनि गरिएको थियो ।