र्‍यापर भिटेन रिहा भएका छन् । महानगरीय प्रहरी परिसर, ललितपुरले भिटेनलाई उनका बुवाको जमानीमा रिहा गरेको हो ।

भाइटीकाको भोलिपल्ट हाजिर हुने गरि रिहा गरिएको ललितपुर प्रहरी परिसरले जनाएको छ ।

“हामी यस्तै त हो नी ब्रो” बोलको गीतमा लागुऔषध गाँजा सेवन गर्न प्रोत्साहित गर्ने तथा समाजमा अपाच्य अश्लिल शब्दहरू प्रयोग गरी गीत गाउनुका साथै प्रहरीको युनिफर्म लगाई लागुऔषध सेवन गरिरहेको फोटो आफ्नो फेसबुकमा राखेका समिरलाई महानगरीय अपराध महाशाखा काठमाडौंबाट खटिएको प्रहरी टोलीले ललितपुर झम्सिखेलबाट पक्राउ गरी अनुसन्धानका लागि महानगरीय प्रहरी परिसर ललितपुर पठाइएको थियो ।