नेपालमा कोरोना भाइरस संक्रमणबाट मृत्यु हुनेको संख्या २ हजार नाघेको छ ।

स्वास्थ्य तथा जनसंख्या मन्त्रालयका अनुसार गत २४ घण्टामा थप ७ जनाको मृत्यु भएसँगै नेपालमा कोरोनाबाट ज्यान गुमाउनेको संख्या २ हजार १ पुगेको स्वास्थ मन्त्रालयले जनाएको छ ।

नेपालमा संक्रमितमध्ये शुन्य दशमलव ७ प्रतिशतको मृत्यु भएको मन्त्रालयले सार्बजनिक गरेको छ ।

गत २४ घण्टामा थप २७० जना कोरोना भाइरस संक्रमित थपिएका र ४०३ जना संक्रमणमुक्त भएको मन्त्रालयले जनाएको छ । यस्तै गत २४ घण्टामा काठमाडौं उपत्यकामा १३३ जना संक्रमित भएका छन् ।

अहिलेसम्म संक्रमणमुक्त हुने २ लाख ६४ हजार १ सय ३७ जना छन् । नेपालमा निको हुने दर ९७ दशमलव ९ प्रतिशत रहेको मन्त्रालयले जनाएको छ ।