मंसिर २५, २०७९ काठमाडौँ । माछापुच्छ्रे बैंक लिमिटेडका नवनियुक्त अध्यक्ष डा. उपेन्द्र महतोले नेपाल राष्ट्र बैंकका गभर्नर महाप्रसाद अधिकारी समक्ष पद तथा गोपनियताको सपथ ग्रहण गरेका छन् । माछापुच्छ्रे बैँकको मंसिर १२ गते सोमबार बसेको सञ्‍चालक समितिको बैंठकले डा. महतोलाई सञ्‍चालक समितिको अध्यक्षमा चयन गरेको थियो ।

उक्त सपथ ग्रहण कार्यक्रममा नेपाल राष्ट्र बैंकका डेपुटी गभर्नर, कार्यकारी निर्देशक तथा अन्य पदाधिकारीका साथै माछापुच्छ्रे बैँक सञ्चालक समिति सदस्य लगायतको उपस्थिति रहेको थियो । राष्ट्रिय एवं अन्तर्राष्ट्रिय स्तरमा सफल उद्यमीको छवि बनाइसकेका डा. महतो गैर आवासीय नेपाली संघका संस्थापक अध्यक्ष समेत हुन् ।