नेपाल सरकारले भन्सारमा १० प्रतिशत घटाएका कारण सुनको मूल्यमा भारी गिरावट आएको छ। नेपाल सुनचाँदी व्यवसायी महासंघका अनुसार आजको सुनको मूल्य तोलामा १५ हजार ९०० रुपैयाँ घटेको हो । महासंघका अनुसार सोमबार सुनको भाउ प्रतितोला १ लाख ५१ हजार ३ सय रुपैयाँ निर्धारण गरेको छ । आइतबार प्रतितोला १ लाख ६७ हजार २ सय रुपैयाँमा कारोबार भएको थियो ।

यस्तै चाँदीमा पनि भन्सारमा दर ५ प्रतिशत घटाएर १० प्रतिशत कायम गरेको हो । चाँदीको भाउ पनि तोलामा ९५ रुपैयाँले घटेको छ । नेपाल सुनचाँदी व्यवसायी महासंघले आजका लागि चाँदीको भाउ प्रतितोला १८४५ रुपैयाँ कायम गरेको छ । आइतबार चाँदी प्रतितोला १९४० रुपैयाँमा कारोबार भएको थियो ।