कार्तिक २४, काठमाडाैँ । न्यूयोर्क सिटीको इतिहासमा पहिलो पटक मुस्लिम र दक्षिण एशियाली व्यक्ति मेयर बनेका छन्। ३४ वर्षीय जोहरन मम्दानी, क्विन्सका डेमोक्रेटिक सोसियालिस्ट र राज्य सभासद्, पूर्व गभर्नर एन्ड्र्यू कुवो र रिपब्लिकन कर्टिस स्लिवालाई हराउँदै न्यूयोर्कको नयाँ नेतृत्वमा पुगेका हुन्।
मम्दानीले ५०.४ प्रतिशत मत ल्याए भने कुवोले ४१.६ प्रतिशत र स्लिवाले ७.१ प्रतिशत मत पाए।
मम्दानीले विजय सभालाई सम्बोधन गर्दै “आज हामीले देखायौं—आशा अझै जीवित छ।” उनले आफ्नो जितलाई “कामदार वर्ग र सामान्य न्यूयोर्कवासीहरूको जित” भएको भन्दै सबैका लागि काम गर्ने सरकार बनाउने वाचा गरे।
उगाण्डामा भारतीय मूलका अभिभावकबाट जन्मिएका मम्दानी सात वर्षको उमेरमा परिवारसहित अमेरिकाको न्यूयोर्क आएका थिए। उनी फिल्म निर्देशक मीरा नायर र कोलम्बिया विश्वविद्यालयका प्राध्यापक महमुद मम्दानीका छोरा हुन्।
राजनीतिमा प्रवेश अघि उनी घरबाट निकालिन लागेका कम आय भएका परिवारहरूलाई सहयोग गर्ने घरसम्बन्धी सल्लाहकारका रूपमा काम गर्थे। आफ्नो अभियानमा उनले सहरलाई सबैका लागि सुरक्षित र सुलभ बनाउने लक्ष्य राखेका छन्।
मम्दानीले चार वर्षका लागि भाडा स्थिरता, निःशुल्क सार्वजनिक बस, न्यूनतम ज्याला २०३० सम्म ३० डलरसम्म बढाउने, र शहरकै स्वामित्वका किराना पसल विस्तार समावेश छन्। यी योजनाका लागि उनले ठूला कम्पनी र धनीहरूमा कर वृद्धि गर्ने प्रस्ताव गरेका छन्। मम्दानीले “सहर र देशलाई करुणा र दृढताले उज्यालो बनाऔं।” भन्दै सबैलाई समावेश हुन आव्हानसमेत गरेका छन् । मम्दानी युवामाझ अत्यन्त लोकप्रिय छन्। सामाजिक संजालमा सक्रिय रहँदै उनले मुस्लिम पहिचानलाई गर्वका साथ प्रस्तुत गरे र उर्दू भाषामा प्रचारसमेत गरे।
उनकी श्रीमती रमा दुवाजी सिरियाली मूलकी कलाकार हुन ।