कार्तिक २९, काठमाडाैँ । जन सुराज पार्टी डिजिटल लोकप्रियता ब्यापक भएपनि वास्तविक भोटमा शून्य सिट हात परेकाे छ । चर्चित चुनावी रणनीतिकार प्रशान्त किशोर (पीके) ले पहिलोपटक आफ्नो दल जन सुराज पार्टीलाई चुनावमा उतारे, तर बिहार विधानसभा चुनाव–२०२५ मा एक सीट पनि जित्न नसक्दा ठूलो धक्का पुगेको छ। धेरै उम्मेदवारको जमानतसमेत जफत भएको छ।
चुनावअघि ठूलाे सिटमा जित हासिल गर्ने सामाजिक सञ्जालमा जन सुराजको व्यापक चर्चा थियाे । त्यो चर्चा तथा समर्थन मतमा रूपान्तरित भएन। अन्ततः परिणाम शून्य सिटमा सिमित भयाे ।
किशोरले अघिल्ला वर्षमा मोदीको २०१४ लोकसभा अभियानदेखि २०१५ बिहार, २०१७ पञ्जाब, २०१९ आन्ध्रप्रदेश, र २०२१ मा तमिलनाडु तथा बङ्गालमा विभिन्न दललाई विजय दिलाएर राष्ट्रिय ख्याति कमाएका थिए। जेडीयू छोडेपछि उनले जन सुराज अभियान सुरु गरी नयाँ राजनीतिक विकल्पका रूपमा आफूलाई प्रस्तुत गरेका थिए।
तर यसपटकको परिणामले देखायो—डिजिटल लोकप्रियता र वास्तविक भोट–गणितबीच ठूलो दूरी छ।
जन सुराजका बिहार अध्यक्ष मनोज भारतीले भने, “हामीले जनतालाई बुझाउन सकेनाैँ, फेरि सुरु गर्छौँ।”
किशोरले बिहारमा १० वर्ष काम गर्ने प्रतिबद्धता दोहोर्‍याइरहेका छन्।