फागुन १७, काठमाडौं । इरानका सर्वोच्च नेता आयतोल्लाह अली खामेनीको मृत्यु पछि अमेरिका र इजरायलले इरानमाथि थप हवाई हमला जारी राखेका छ। इरानी स्टेट मिडियाले खामेनीको मृत्यु पुष्टि गरेको छ भने इरानले अमेरिकी तथा इजरायली सैन्य अड्डाहरूमाथि जवाफी मिसाइल र ड्रोन आक्रमण तीव्र पारेको हाे।
अमेरिका र इजरायलको संयुक्त हवाई आक्रमणमा खामेनीको अफिसमा हमला भएको थियो। इरानी राज्य टेलिभिजनले उहाँलाई “शहीद” घोषणा गर्दै ४० दिनको शोक मनाउने निर्णय गरेको छ। खामेनी १९८९ देखि इरानको सर्वोच्च नेता थिए । उनले लगभग ३७ वर्षसम्म देशको नेतृत्व गरेका थिए ।
अमेरिकी राष्ट्रपति डोनाल्ड ट्रम्पले ट्रुथ सोसलमा पोस्ट गर्दै खामेनीको मृत्युलाई “इतिहासकै सबैभन्दा दुष्ट व्यक्तिको अन्त्य” भन्दै इरानी जनतालाई “आफ्नो देश फिर्ता लिन” आह्वान गरेका छन् । यदि इरानले थप आक्रमण गरे अमेरिकाले “कहिल्यै नदेखिएको शक्ति” प्रयोग गर्ने चेतावनी दिएका छन् । ट्रम्पले यो साता भर आक्रमण जारी रहने र आवश्यक परे लामो समयसम्म चल्ने बताएका छन् ।
इरानको सेनाले “सबैभन्दा विनाशकारी प्रतिकार” गर्ने चेतावनी दिएको छ। इरानले इजरायल र क्षेत्रीय अमेरिकी अड्डाहरूमाथि नयाँ मिसाइल तथा ड्रोन आक्रमण गरेको छ। यसले मध्यपूर्वमा तनाव चर्किएको छ र विश्वव्यापी तेल मूल्यमा उछाल आउने आशंका छ।
इरानमा केही स्थानमा खामेनीको मृत्युको खबरपछि विरोधीहरूले सडकमा उत्सव मनाएका भिडियोहरू सार्वजनिक भएका छन्, भने सरकारी पक्षले शोक मनाइरहेको छ।