बैशाख १, काठमाडौं । इरानले आफ्ना छिमेकी राष्ट्रहरू साउदी अरेबिया, संयुक्त अरब इमिरेट्स, कतार, बहराइन र कुवेत सँग युद्धका क्रममा भएको क्षतिको क्षतिपूर्ति माग गरेको छ।
इरानका लागि संयुक्त राष्ट्र संघमा रहेका राजदूत अमिर सईद इरवानीले महासचिव एन्टोनियो गुटेरेसलाई पत्र पठाउँदै उक्त माग राख्नुभएको हो।
पत्रमा ती पाँच देशहरूले अन्तर्राष्ट्रिय कानून उल्लङ्घन गरेको आरोप लगाउँदै इरानप्रति आफ्नो दायित्व पूरा नगरेको उल्लेख गरिएको छ। उहाँहरूको अन्तर्राष्ट्रिय जिम्मेवारी स्थापित भइसकेकाले इरानलाई भएको भौतिक तथा मानसिक सबै प्रकारका क्षतिको पूर्ण क्षतिपूर्ति दिनुपर्ने माग गरिएको छ।
बीबीसी फारसीका अनुसार इरवानीद्वारा लेखिएको उक्त पत्र समाचार एजेन्सी ‘इर्ना’मार्फत सार्वजनिक गरिएको हो।
इरानले यसअघि पनि युद्धका कारण भएको क्षतिको क्षतिपूर्ति संयुक्त राज्य अमेरिकासँग माग गरिसकेको छ।