जेठ १३, काठमाडौं । मध्यपूर्वी देशहरूमा बढ्दो सैन्य तनावका कारण हवाई इन्धनको मूल्यमा उच्च वृद्धि भएपछि एयर इन्डियाले आफ्ना अन्तर्राष्ट्रिय तथा घरेलु उडानहरूमा व्यापक कटौती गर्ने निर्णय गरेको छ । एयरलाइन्सले अन्तर्राष्ट्रिय उडान संख्या घटाउनुका साथै अस्थायी रूपमा धेरैजसो घरेलु उडानहरूको संख्यामा समेत भारी कटौती गर्ने जनाएको हो । गत फेब्रुअरी २८ मा तेहरानमा भएको अमेरिकी–इजरायली सैन्य आक्रमणपछि इरानले रणनीतिक रूपमा महत्त्वपूर्ण जलमार्ग ‘स्ट्रेट अफ होर्मुज’ बन्द गरेको थियो । उक्त मुख्य आपूर्ति मार्ग बन्द भएसँगै विश्व बजारमा हवाई इन्धनको मूल्य आकाशिएपछि एयरलाइन्स संकटमा परेको हो । प्रेस ट्रस्ट अफ इन्डिया (पीटीआई) समाचार एजेन्सीले आन्तरिक स्रोतलाई उद्धृत गर्दै जनाएअनुसार यो निर्णयबाट एयरलाइन्सको पाँचौँ हिस्सा भन्दा बढी घरेलु उडानहरू प्रभावित हुन सक्ने सम्भावना छ । यस आकस्मिक उडान परिवर्तनबाट प्रभावित हुने यात्रुहरूका लागि एयरलाइन्सले वैकल्पिक उडानमा पुनः बुकिङ गरिदिने अथवा टिकटको पूरा रकम फिर्ता उपलब्ध गराउने विकल्प अघि सारेको छ । मध्यपूर्वको राजनीतिक एवं सुरक्षा अवस्था सामान्य हुनासाथ उडानहरूलाई पुनः पूर्ववत् रूपमा नियमित गर्ने योजना कम्पनीको छ । यसअघि पनि एयर इन्डियाले मे महिनाको सुरुवातमा एक सूचना जारी गर्दै नयाँ दिल्ली, मुम्बई र चेन्नई लगायतका भारतीय सहरहरूबाट शिकागो, साङ्घाई, माले र सिङ्गापुरका लागि हुने उडानहरू आगामी जुनदेखि अगस्ट महिनाको बिचमा स्थगित गर्ने घोषणा गरिसकेको थियो ।
जेठ १३, काठमाडौं । मध्यपूर्वी देशहरूमा बढ्दो सैन्य तनावका कारण हवाई इन्धनको मूल्यमा उच्च वृद्धि भएपछि एयर इन्डियाले आफ्ना अन्तर्राष्ट्रिय तथा घरेलु उडानहरूमा व्यापक कटौती गर्ने निर्णय गरेको छ । एयरलाइन्सले अन्तर्राष्ट्रिय उडान संख्या घटाउनुका साथै अस्थायी रूपमा धेरैजसो घरेलु उडानहरूको संख्यामा समेत भारी कटौती गर्ने जनाएको हो ।
गत फेब्रुअरी २८ मा तेहरानमा भएको अमेरिकी–इजरायली सैन्य आक्रमणपछि इरानले रणनीतिक रूपमा महत्त्वपूर्ण जलमार्ग ‘स्ट्रेट अफ होर्मुज’ बन्द गरेको थियो । उक्त मुख्य आपूर्ति मार्ग बन्द भएसँगै विश्व बजारमा हवाई इन्धनको मूल्य आकाशिएपछि एयरलाइन्स संकटमा परेको हो ।
प्रेस ट्रस्ट अफ इन्डिया (पीटीआई) समाचार एजेन्सीले आन्तरिक स्रोतलाई उद्धृत गर्दै जनाएअनुसार यो निर्णयबाट एयरलाइन्सको पाँचौँ हिस्सा भन्दा बढी घरेलु उडानहरू प्रभावित हुन सक्ने सम्भावना छ ।
यस आकस्मिक उडान परिवर्तनबाट प्रभावित हुने यात्रुहरूका लागि एयरलाइन्सले वैकल्पिक उडानमा पुनः बुकिङ गरिदिने अथवा टिकटको पूरा रकम फिर्ता उपलब्ध गराउने विकल्प अघि सारेको छ । मध्यपूर्वको राजनीतिक एवं सुरक्षा अवस्था सामान्य हुनासाथ उडानहरूलाई पुनः पूर्ववत् रूपमा नियमित गर्ने योजना कम्पनीको छ ।
यसअघि पनि एयर इन्डियाले मे महिनाको सुरुवातमा एक सूचना जारी गर्दै नयाँ दिल्ली, मुम्बई र चेन्नई लगायतका भारतीय सहरहरूबाट शिकागो, साङ्घाई, माले र सिङ्गापुरका लागि हुने उडानहरू आगामी जुनदेखि अगस्ट महिनाको बिचमा स्थगित गर्ने घोषणा गरिसकेको थियो ।