असार ३, काठमाण्डाै । फिफा विश्वकप २०२६ अन्तर्गत समूह ‘जे’ को आफ्नो पहिलो खेलमा साविक विजेता अर्जेन्टिनाले शानदार सुरुवात गरेको छ। मिसौरी राज्यस्थित कन्सास सिटी स्टेडियममा जारी खेलको मध्यान्तरसम्म अर्जेन्टिनाले अल्जेरियाविरुद्ध १–० को अग्रता बनाएको छ। खेलको १७औँ मिनेटमा कप्तान लियोनल मेसीले रोड्रिगो डे पलको उत्कृष्ट पासमा गोल गर्दै अर्जेन्टिनालाई सुरुवाती अग्रता दिलाएका हुन्। यो गोलसँगै मेसीले विश्वकपमा आफ्नो व्यक्तिगत १४औँ गोल पूरा गरेका छन् भने आजको खेलबाट उनले आफ्नो २००औँ अन्तर्राष्ट्रिय खेल र छैटौँ विश्वकप संस्करणमा सहभागिता जनाउने ऐतिहासिक कीर्तिमान पनि बनाएका छन्।
इटाली र ब्राजिलपछि लगातार विश्वकप जित्ने तेस्रो राष्ट्र बन्ने अभियानमा रहेको अर्जेन्टिना टोलीका लागि यो खेल निकै महत्वपूर्ण छ। दक्षिण अमेरिकी छनोटमा शीर्ष स्थानमा रहँदै र चिरप्रतिद्वन्द्वी ब्राजिललाई ४–१ ले पराजित गर्दै उत्तर अमेरिकाको यात्रा तय गरेको अर्जेन्टिनाले विश्वकपको तयारीका रूपमा खेलेका पछिल्ला सात मैत्रीपूर्ण खेलमा २१ गोल गर्दै मात्र एक गोल खाएको थियो। अर्जेन्टिनालाई गत संस्करणको पहिलो खेलमा साउदी अरेबियासँगको अप्रत्याशित हारको सम्झना ताजै रहेकाले अल्जेरियाविरुद्धको खेलमा टोलीले कुनै पनि प्रकारको कमजोरी गर्ने छैन।
अर्कोतर्फ, भ्लादिमिर पेट्कोभिकको नेतृत्वमा रहेको अल्जेरिया आफ्नो पाँचौँ विश्वकप अनुभव बटुलिरहेको छ। सन् २०१४ को ब्राजिल विश्वकपपछि नकआउट चरणमा पुग्न नसकेको अल्जेरियाका लागि यसपालिको छनोट यात्रा निकै उत्कृष्ट रह्यो। समूहको शीर्ष स्थानमा रहँदै र स्ट्राइकर मोहम्मद अमौराले १० गोल गरी उच्च गोलकर्ता बनेपछि टोली उच्च मनोबलका साथ मैदानमा उत्रिएको छ। विश्वकपअघि नेदरल्यान्ड्सजस्तो युरोपियन राष्ट्रलाई समेत हराएको अल्जेरियाका लागि कप्तान रियाद माहरेज र मोहम्मद अमौरा मुख्य खेलाडी हुन्। आजको खेलपछि समूह ‘जे’ को दोस्रो खेलमा अस्ट्रिया र जोर्डनबीच प्रतिस्पर्धा हुनेछ।
असार ३, काठमाण्डाै । फिफा विश्वकप २०२६ अन्तर्गत समूह ‘जे’ को आफ्नो पहिलो खेलमा साविक विजेता अर्जेन्टिनाले शानदार सुरुवात गरेको छ। मिसौरी राज्यस्थित कन्सास सिटी स्टेडियममा जारी खेलको मध्यान्तरसम्म अर्जेन्टिनाले अल्जेरियाविरुद्ध १–० को अग्रता बनाएको छ। खेलको १७औँ मिनेटमा कप्तान लियोनल मेसीले रोड्रिगो डे पलको उत्कृष्ट पासमा गोल गर्दै अर्जेन्टिनालाई सुरुवाती अग्रता दिलाएका हुन्। यो गोलसँगै मेसीले विश्वकपमा आफ्नो व्यक्तिगत १४औँ गोल पूरा गरेका छन् भने आजको खेलबाट उनले आफ्नो २००औँ अन्तर्राष्ट्रिय खेल र छैटौँ विश्वकप संस्करणमा सहभागिता जनाउने ऐतिहासिक कीर्तिमान पनि बनाएका छन्।
इटाली र ब्राजिलपछि लगातार विश्वकप जित्ने तेस्रो राष्ट्र बन्ने अभियानमा रहेको अर्जेन्टिना टोलीका लागि यो खेल निकै महत्वपूर्ण छ। दक्षिण अमेरिकी छनोटमा शीर्ष स्थानमा रहँदै र चिरप्रतिद्वन्द्वी ब्राजिललाई ४–१ ले पराजित गर्दै उत्तर अमेरिकाको यात्रा तय गरेको अर्जेन्टिनाले विश्वकपको तयारीका रूपमा खेलेका पछिल्ला सात मैत्रीपूर्ण खेलमा २१ गोल गर्दै मात्र एक गोल खाएको थियो। अर्जेन्टिनालाई गत संस्करणको पहिलो खेलमा साउदी अरेबियासँगको अप्रत्याशित हारको सम्झना ताजै रहेकाले अल्जेरियाविरुद्धको खेलमा टोलीले कुनै पनि प्रकारको कमजोरी गर्ने छैन।
अर्कोतर्फ, भ्लादिमिर पेट्कोभिकको नेतृत्वमा रहेको अल्जेरिया आफ्नो पाँचौँ विश्वकप अनुभव बटुलिरहेको छ। सन् २०१४ को ब्राजिल विश्वकपपछि नकआउट चरणमा पुग्न नसकेको अल्जेरियाका लागि यसपालिको छनोट यात्रा निकै उत्कृष्ट रह्यो। समूहको शीर्ष स्थानमा रहँदै र स्ट्राइकर मोहम्मद अमौराले १० गोल गरी उच्च गोलकर्ता बनेपछि टोली उच्च मनोबलका साथ मैदानमा उत्रिएको छ। विश्वकपअघि नेदरल्यान्ड्सजस्तो युरोपियन राष्ट्रलाई समेत हराएको अल्जेरियाका लागि कप्तान रियाद माहरेज र मोहम्मद अमौरा मुख्य खेलाडी हुन्। आजको खेलपछि समूह ‘जे’ को दोस्रो खेलमा अस्ट्रिया र जोर्डनबीच प्रतिस्पर्धा हुनेछ।