असार ४, काठमाडौँ | फिफा विश्वकप २०२६ अन्तर्गत समूह ‘के’ को खेलमा कंगो डीआरले बलियो मानिएको पोर्चुगललाई १-१ को बराबरीमा रोक्दै ऐतिहासिक सफलता हासिल गरेको छ। विश्वकप इतिहासमै आफ्नो पहिलो गोल र पहिलो अंक जोड्ने क्रममा कंगोले पोर्चुगललाई बराबरीमा रोक्दै सनसनी मच्चाएको हो।
खेलको छैटौँ मिनेटमै पेड्रो नेटोको सुन्दर क्रसलाई सदुपयोग गर्दै जोआओ नेभेसले गोल गरी पोर्चुगललाई अग्रता दिलाएका थिए। तर, खेलको सुरुवातमा दबाबमा रहे पनि कंगोले धैर्य गुमाएन। पहिलो हाफको इन्जुरी समयमा आर्थर मासुयाकुको क्रसमा योआने विसाले उत्कृष्ट ‘हेडर’ गोल गर्दै खेललाई बराबरीमा ल्याए। सन् १९७४ मा पहिलो पटक विश्वकप खेलेको कंगोका लागि यो गोल ५२ वर्षको प्रतीक्षापछिको ऐतिहासिक क्षण थियो।
यसै खेलमा पोर्चुगलका कप्तान क्रिस्टियानो रोनाल्डोले अर्को कीर्तिमान रचेका छन्। ४१ वर्ष १३२ दिनको उमेरमा मैदान उत्रिएका रोनाल्डो विश्वकपको ‘स्टार्टिङ ११’ मा पर्ने सबैभन्दा पाका आउटफिल्ड खेलाडी बनेका छन्। यो उनको २३औँ विश्वकप खेल हो, जसका साथ उनले इटालीका लिजेन्ड पाओलो माल्दिनीको कीर्तिमानसँग बराबरी गरेका छन्।
दोस्रो हाफमा जोआओ कान्सेलोले ‘ओभरहेड किक’ मार्फत गोल गरे पनि रेफ्रीले त्यसलाई ‘अफसाइड’ घोषित गरिदिए। खेलको अन्त्यतिर दुवै टोलीले केही अवसर पाए पनि सदुपयोग गर्न नसक्दा अंक बाँड्न बाध्य भए।
असार ४, काठमाडौँ | फिफा विश्वकप २०२६ अन्तर्गत समूह ‘के’ को खेलमा कंगो डीआरले बलियो मानिएको पोर्चुगललाई १-१ को बराबरीमा रोक्दै ऐतिहासिक सफलता हासिल गरेको छ। विश्वकप इतिहासमै आफ्नो पहिलो गोल र पहिलो अंक जोड्ने क्रममा कंगोले पोर्चुगललाई बराबरीमा रोक्दै सनसनी मच्चाएको हो।
खेलको छैटौँ मिनेटमै पेड्रो नेटोको सुन्दर क्रसलाई सदुपयोग गर्दै जोआओ नेभेसले गोल गरी पोर्चुगललाई अग्रता दिलाएका थिए। तर, खेलको सुरुवातमा दबाबमा रहे पनि कंगोले धैर्य गुमाएन। पहिलो हाफको इन्जुरी समयमा आर्थर मासुयाकुको क्रसमा योआने विसाले उत्कृष्ट ‘हेडर’ गोल गर्दै खेललाई बराबरीमा ल्याए। सन् १९७४ मा पहिलो पटक विश्वकप खेलेको कंगोका लागि यो गोल ५२ वर्षको प्रतीक्षापछिको ऐतिहासिक क्षण थियो।
यसै खेलमा पोर्चुगलका कप्तान क्रिस्टियानो रोनाल्डोले अर्को कीर्तिमान रचेका छन्। ४१ वर्ष १३२ दिनको उमेरमा मैदान उत्रिएका रोनाल्डो विश्वकपको ‘स्टार्टिङ ११’ मा पर्ने सबैभन्दा पाका आउटफिल्ड खेलाडी बनेका छन्। यो उनको २३औँ विश्वकप खेल हो, जसका साथ उनले इटालीका लिजेन्ड पाओलो माल्दिनीको कीर्तिमानसँग बराबरी गरेका छन्।
दोस्रो हाफमा जोआओ कान्सेलोले ‘ओभरहेड किक’ मार्फत गोल गरे पनि रेफ्रीले त्यसलाई ‘अफसाइड’ घोषित गरिदिए। खेलको अन्त्यतिर दुवै टोलीले केही अवसर पाए पनि सदुपयोग गर्न नसक्दा अंक बाँड्न बाध्य भए।