वैशाख १३ गते प्रदर्शनमा आउने दाल भात तरकारी चलचित्रमा समावेश गीत भिजिटभिसाको शनिवार नारायणहिटी संग्रहालयको उत्तर ढोकामा रहेको गणतन्त्र पार्कमा गीतको केही अंश छायाँकन भईरहेको थियो । त्यहाँ चर्चित कलाकारहरू हरिवंश आचार्य, निरुता सिंह, वर्षा राउत, पुष्प खड्का, आँचल शर्मा, राजाराम पौडेल लगायत थुप्रै कलाकारहरु थिए । ४ मिनेट ३७ सेकेन्ड लामो गीतको सुटिङका केहि अंश त्रिभुवन अन्तराष्ट्रिय विमानस्थल र ह्यात होटलमा गरिएको थियो । यो गीतमा हरिवंश आचार्यको शब्द तथा शम्भुजित बाँस्कोटाको संगीत रहेको छ ।